Posted by
പറന്നു പോയ ബാറ്റ് പെറുക്കാൻ ആളില്ലാത്തതുകൊണ്ട് അവൻ തന്നേ വേഗം പോയി ബാറ്റെടുത്തു രണ്ടാമത്തേ ബൗളിനായി കാത്തു നിന്നു… അവൾ വീണ്ടും അതേ ഏറ് ഒരു വ്യത്യാസവുമില്ലാതെ അവനു നേരേ എറിഞ്ഞു… പക്ഷേ ഇത്തവണ അവൻ കണ്ണുകൾ അടച്ചില്ല…..പകരം പന്ത് കണ്ടതും ആകാശത്തേക്ക് നോക്കി ഒറ്റ വീശൽ…..
ഡോട്ട് ബോൾ…!!
“ആകാശത്ത് നിന്റെ അച്ഛനുണ്ടോടാ… ”
സച്ചിന്റെ എല്ലാ റിലേയും തെറ്റി അവൻ വിളിച്ചു പറഞ്ഞു….
നിധിയൊക്കെ തലയ്ക്കു കയ്യും വച്ചിരിക്കുകയാണ്….
രാഹുൽ വീണ്ടും കൈകൾ ഉയർത്തി സോറി എന്ന് ഞങളുടെ ടീമിലുള്ളവരോട് കാണിച്ചു…
മൂന്നാമത്തേ ബൗൾ കഴിഞ്ഞു,നാലാമത്തേ കഴിഞ്ഞു അഞ്ചാമത്തേതും വീശൽ
താകൃതിയായി നടക്കുന്നുണ്ടെങ്കിലും പന്ത് മാത്രം ബാറ്റിൽ കൊള്ളുന്നില്ല….
“എന്റെ പൊന്ന് ചേട്ടാ ഇങ്ങനെ വീശിയാൽ കൈ അവിടുന്ന് പറഞ്ഞു പോരും… ”
എതിർ ടീമിലേ ഏതോ ഒരുത്തി വിളിച്ചു പറഞ്ഞു….
അതു മതിയായിരുന്നു എല്ലാത്തിനും തുടക്കം കുറിക്കാൻ…പിന്നീടങ്ങോട്ട് കൂക്കലായി കുറുകലായി. രാഹുൽ അത്രയും പേരുടെ ഇടയിയിലായി വെന്തുരുകി നിന്നു…
അവൻ ദയനീയമായി എന്നേ നോക്കി…
എന്തോ അവന്റെ ആ മുഖം കണ്ടപ്പോൾ എനിക്ക് പാവം തോന്നി…….അവനോട് സമാധാനമായി ഇരിക്കാൻ ഞാൻ ആംഗ്യം കാണിച്ചു…
കാരണം ഈ അപമാനിച്ചതിനൊക്കെയുള്ള മറുപടി അടുത്ത ഓവറിൽ അണ്ണൻ കാണിച്ചു കൊടുക്കും…
ഞാനെന്റെ കയ്യിലേ ബാറ്റ് മുറുകെ പിടിച്ചു