Posted by …
രണ്ടാമത്തേ ഓവറിലേ അവസാന ബൗളായി….. എറിയുന്നവൾ എന്നെയൊന്ന് നോക്കി പുച്ഛിച്ചു…
ഇതുവരെയും തന്റെ ബൗളിൽ ബാറ്റ് ഒന്ന് കൊള്ളിക്കാൻ പോലും പറ്റാത്തതിനുള്ള എല്ലാ അഹങ്കാരവും അവളുടെ മുഖത്ത് പ്രകടമായിരുന്നു….
ഞാൻ അവളേ നോക്കി ഒന്ന് ചിരിച്ചു.
“ഇപ്പോ ന്യൂ ചിരിച്ചോ … ഈ പന്തും കൂടേ കഴിഞ്ഞാൽ നിനക്കാണ് ചിരി നഷ്ടമാകാൻ പോകുന്നത്…”
എന്റെ മനസ്സിൽ ഞാൻ പറഞ്ഞത് അത്ര മാത്രം.
ഞാൻ രാഹുലിനേ നോക്കി അവന്റെ കണ്ണുകൾ പതിവിലും തുറന്നിട്ടായിരുന്നു….. കണ്ണുകൾ അടയുന്നുവേങ്കിലും അവൻ അതിനേ പിടിച്ചു നിർത്തും പോലേ….
അവൾ റൺ-അപ്പ് തുടങ്ങി…
പന്ത് കയ്യിൽ കുരുക്കി…മുറുക്കി ഒറ്റയേറ്
അവൻ കാൽ നീട്ടി മുന്നോട്ട് വന്നു.ഒരു നിമിഷത്തേക്കെങ്കിലും സമയം മന്ദഗതിയായി തോന്നിയെനിക്ക്….
ബാറ്റ് നിലത്തു നിന്നും മൃദുവായി ഉയർന്ന്, ശരീരത്തിന്റെ മുഴുവൻ ഭാരം മുന്നിലേക്കു ചാഞ്ഞതോടെ
ഠാഠ്! 💥
കൃത്യമായ ഡ്രൈവ് ശബ്ദം. എന്റെ കാതുകളിൽ അലയടിച്ചു….
കിടിലൻ ഷോട്ട്…. 💥
ആവേശം ഒതുക്കി നിർത്താൻ എനിക്കു സാധിച്ചില്ല…. ഞാൻ തുള്ളി ചാടി….
അപ്പോഴേക്കും അവൻ ഓടാൻ തുടങ്ങിയിരുന്നു…
പന്ത് നിലത്ത് ചെറുതായി തട്ടി, പച്ച പാളിയിൽ കൂടേ മിഡ്-ഓഫ് ഭാഗത്തേക്ക് പായുമ്പോൾ മിനിമം ഒരു രണ്ട് റണ്ണെങ്കിലും ഓടിയെടുക്കാനുള്ള അവസരമായിരുന്നു ഞങളുടെ മുന്നിൽ തുറന്നു വന്നത്….
രണ്ട് റൺ ഓടിയാലും അടുത്ത സ്ട്രൈക്ക് എനിക്കു തന്നേ കിട്ടുന്നതിനാൽ ഒരു മടിയും കൂടാതെ മുഴുവൻ വേഗവുമെടുത്ത് ഞാൻ ഓടി…