Posted by രേവതിക്ക് കൂടുതൽ അറിയാൻ മനസ്സ് വെമ്പി എങ്കിലും, അവൾ ചോദിക്കാൻ നിന്നില്ല…..
അൽപ നേരത്തെ നിശബ്ദത ഭേധിച്ചു കൊണ്ട്….” ചേച്ചീ…. ഞങ്ങളെ…. ഞങ്ങളെ കൂടെ കൊണ്ട് പോവുമോ ബാംഗ്ലൂരിലേക്ക്…….. കണ്ണുകൾ അടച്ചു കിടന്നിരുന്ന സൈറ, രേവതിയുടെ ചോദ്യം കേട്ട്, കണ്ണ് തുറന്ന് രേവതിയുടെ മുഖത്തേക്ക് മിഴിച്ചു നോക്കി…
” അത്…. അത്… എനിക്ക് പേടിയുണ്ട് ചേച്ചി … ചേച്ചി പോയാൽ…. ചേച്ചി അടുത്തില്ലെങ്കിൽ….. എന്റെ ഹരിക്ക്….. രേവതി കേഴലോടെ സൈറയോട് പറഞ്ഞു.
സൈറ ഗൗരവത്തോടെ പറഞ്ഞു : ഇടക്കിടക്ക് ഇങ്ങനെ വാക്ക് മാറ്റി പറഞ്ഞോണ്ടിരുന്നാൽ എങ്ങിനെയാ രേവതി ശരിയാവുക. നിന്റെ ഭർത്താവിനോട് പറഞ്ഞപ്പോൾ അവൻ പറഞ്ഞു ” നീ എവടെ പോണം പറയുന്നോ അങ്ങോട്ടെ പോവൂ എന്ന്.”..
” ഇല്ല ചേച്ചി… ഇനി മാറില്ല…. ഉറപ്പ്… രേവതി സൈറയുടെ മുഖത്ത് നോക്കി പറഞ്ഞു.
” മ്മ്മ്മ്….. “.. എന്ന് നീട്ടി മൂളി, സൈറ തന്റെ ചുണ്ടിനു താഴെ ചൊറിഞ്ഞു കൊണ്ട് ആലോചനയിലേക്ക് കടന്നപ്പോൾ… രേവതി ആകാംക്ഷയോടെ ചോദിച്ചു : എന്താ ചേച്ചി?.. എന്തേലും പ്രശ്നം ഉണ്ടോ?.. ഹരിക്ക് അവിടെ ജോലി ഒന്നും കിട്ടില്ലേ?..
ഒരു ചിരി… പൊട്ടി ചിരി… അത് കഴിഞ്ഞു സൈറ പറഞ്ഞു….” ഹരിക്കോ?…… ഹരിക്ക് ഒരു ആയിരം ജോലി കിട്ടും, അതിനുള്ള പഠിപ്പുമുണ്ട്, കഴിവുമുണ്ട് അവന് . അവന്റെ ഈ അയ്യോ പാവം അല്ലെങ്കിൽ പിള്ളേര് കളി ഒക്കെ നിന്റെയും, വീട്ടുകാരുടെയും മുന്നിൽ മാത്രമേ ഉളളൂ…… അവനെ ആവശ്യത്തിന് അധികം ടെസ്റ്റ് ചെയ്തിട്ടുള്ളതാ ഞാൻ. ഐ നോ ഹിസ് കാലിബർ, ആൾ ഹി നീഡ്സ് സം പുഷ്…..