Posted by അതേസമയം ഇടവഴിയിലെ ഇരുട്ടിൽ ബൈക്ക് സ്റ്റാർട്ട് ചെയ്തുകൊണ്ട് സാം നതാഷയോട് ആജ്ഞാപിച്ചു.
“നതാഷാ, കാർ ഇവിടെ ലോക്ക് ചെയ്തിട്ട് എന്റെ ബൈക്കിൽ കയറ്. നമുക്ക് ഒരിടം വരെ പോകണം.”
നതാഷ ഒന്ന് ശങ്കിച്ചു.
“നമ്മൾ നിന്റെ വീട്ടിലേക്കാണോ സാം പോകുന്നത്?”
സാം മറുപടി പറയുന്നതിന് മുൻപ് ബൈക്കിന്റെ മിററിലൂടെ അവളെ അടിമുടി ഒന്ന് നോക്കി.
മനോഹരമായ ഒരു ബ്ലാക്ക് സാറ്റിൻ സാരിയായിരുന്നു അവളുടെ വേഷം. രാത്രിയുടെ വെളിച്ചത്തിൽ ആ സാരി തിളങ്ങുന്നുണ്ട്.
സാം: “എന്താ നതാഷാ… നിനക്ക് ഈ സാരി മടുക്കുന്നില്ലേ? എപ്പോഴും ഈ ഡോക്ടർ ലുക്കിൽ തന്നെ നടന്നാൽ മതിയോ?”
നതാഷ അമ്പരന്നുപോയി.
“നീ എന്താ സാം ഉദ്ദേശിക്കുന്നത്? പിന്നെ ഞാൻ വേറെ എന്താ ധരിക്കേണ്ടത്? നീ പറയ്…”
സാം ഒരു ഗൂഢമായ പുഞ്ചിരിയോടെ ബൈക്ക് മുന്നോട്ട് എടുത്തു….
അവൻ അവളെയും കൊണ്ട് ചെന്നു നിന്നത് നഗരത്തിലെ പുതിയതായി തുടങ്ങിയ ഏറ്റവും വലിയ ഡ്രസ്സ് ഷോറൂമിന് മുന്നിലായിരുന്നു. രാത്രിയായിട്ടും ആ വലിയ കെട്ടിടം പ്രകാശപൂരിതമായി നിൽക്കുന്നു.
നതാഷ: “സാം… നമ്മൾ ഇവിടെ എന്തിനാ വന്നത്?
ഇന്ന് ഷോപ്പിംഗ് ആണോ നിന്റെ പ്ലാൻ?”
സാം: “ഹഹ…പറയാം. നീ അകത്തേക്ക് വാ.”
അവൻ ബൈക്ക് പാർക്കിംഗിലേക്ക് മാറ്റിയിട്ടു.
അവിടെ വലിയ തിരക്കായിരുന്നു.
സാം അവളുടെ വിരലുകൾക്കിടയിലൂടെ തന്റെ കൈകൾ കോർത്തുപിടിച്ചു.
മാത്യുവിന്റെ ഭാര്യ എന്ന പദവി മറന്ന് അവൾ അവനോടൊപ്പം ആൾക്കൂട്ടത്തിനിടയിലൂടെ നടന്നു.
ഷോറൂമിന്റെ ഉൾവശം വല്ലാതെ വിശാലമായിരുന്നു.