Posted by എന്നിട്ട് മുഖം വീർപ്പിച്ച് ഗൗരവത്തോടെ എന്താ എന്ന ഭാവത്തിൽ അവളെ നോക്കി.
“അല്ല.. അത് പിന്നെ.. ഇനി എന്ത് ചെയ്യാൻ പോവ്വാന്ന് അറിയാൻ.”
ഹന്ന എന്തൊക്കെയോ പറയാൻ ശ്രമിച്ചു.
അവൾക്ക് അവനോട് കിസ്സ് ചെയ്യാൻ സമ്മതമാണെന് അറിയിക്കണം. പക്ഷെ, അത് എങ്ങനെ പറയണം എന്നറിയാൻ വയ്യ. ഹന്ന പ്രതിരോധത്തിലാപ്പോൾ മനസ്സിൽ ചിരിക്കുകയായിരുന്നു കൈലാസ്.
“കുട്ടീം കോലും കളിക്കാൻ പോണു ന്തേയ്?”
അവൻ വീണ്ടും പരുക്കൻ ഭാവത്തിലാണ്.
ഹന്നയ്ക്ക് വിഷമമായി.
അതവനും മനസ്സിലായി.
“ഞാൻ ഇവിടെ കിടന്നുറങ്ങാൻ പോകുന്നു. നീ വരുന്നുണ്ടോ കിടക്കാൻ?”
വെറുതെ ചോദിച്ചു കൊണ്ട് കിടന്നതാണ്. ഹന്ന കൂടെ വന്ന് ബെഡിൽ ഇരിക്കും എന്ന് അവൻ കരുതിയില്ല.
ഉള്ളിൽ സന്തോഷിച്ചവൻ.
“ചേട്ടനെന്തെങ്കിലും ദേഷ്യം ഉണ്ടോ?” ഇടത് കൈ കൊണ്ട് കൈ മറച്ച് കണ്ണടച്ചപ്പോഴാണ് ഒരു ചോദ്യം.
“ഇല്ല.” പറഞ്ഞിട്ടാ മുഖത്ത് സൂക്ഷിച്ചു നോക്കി. ചെറിയ നനവുണ്ട് കണ്ണുകളിൽ.
കളി കാര്യമായി.
അക്കിടി പറ്റിയത് പോലെ കൈലാസ് എഴുന്നേറ്റിയിരുന്നു.
“പിന്നെന്താ ചേട്ടന് എന്നോടൊരു കടുപ്പം. ഞാൻ.. ഞാൻ.. അങ്ങനെ കാണിച്ചത് കൊണ്ടാണോ?”
“ഏയ്.. മനുഷ്യന്മാര് എപ്പോഴും ഒരുപോലെ അല്ലല്ലോ. അതൊന്നുമില്ല. നീ വിട്ടു കള.. പതിയെ മതി. ഞാൻ കാത്തിരുന്നോളാം.”
“എന്നാലും ചേട്ടനെന്നോട് ദേഷ്യം കാണിച്ചാൽ എനിക്ക് സങ്കടം വരും.” നിഷ്കളങ്കമായ, സങ്കടം നിറഞ്ഞ ആ വർത്താനം കേട്ട് അവളെ കളിപ്പിക്കാൻ തോന്നിയതിൽ അവന് മനസ്താപമുണ്ടായി. അവളൊരു പാവം കൊച്ചാണ്.
“സോറി ഹന്ന. എനിക്കൊരു ദേഷ്യവും ഇല്ല. പറഞ്ഞിട്ട് ആ ചെറുതായി ചുവന്ന മൂക്കിൽ പിടിച്ചു വലിച്ചു വിട്ടവൻ.