Posted by
( സൈറയെ ഇങ്ങനെ ഇറക്കവും, ശരീര വടിവും കാണിക്കുന്ന വസ്ത്രങ്ങളിൽ കുറച്ചു കാലങ്ങളായി ഹരി കാണുന്നത് കൊണ്ട് അവന് പ്രത്യേകിച്ച് വികാര വിചാരങ്ങൾ ഒന്നും തോന്നിയില്ല )..
ഹരി പതിയെ റൂമിലേക്ക് നടക്കാൻ തുടങ്ങിയപ്പോൾ സൈറ പറഞ്ഞു : ഹരി എങ്ങോട്ടാ ഈ പോണത്….. ഇരിക്കേടോ…. രേവതിയോട് സംസാരിച്ച് കഴിഞ്ഞില്ലേ…..
ഹരി കൂടുതൽ ഒന്നും പറയാതെ ചിരിച്ചു കൊണ്ട് സോഫയിൽ തന്നേ ഇരുന്നു…..
സൈറ സോഫയിൽ ഇരിക്കുന്നതിനോടൊപ്പം പറഞ്ഞു : എനിക്കും കുറച്ചൊക്കെ അറിയാട്ടോ ഫുട്ബോൾ……
എന്തോ ഹരിക്ക് ചോദിക്കാൻ തോന്നി : മാമിന്റെ ഇഷ്ടപ്പെട്ട പ്ലെയർ ആരാ……
സൈറ സോഫയിൽ ഇരുന്നപ്പോൾ, ആ സോഫയുടെ അറ്റത്തായി ഇരുന്ന് കൊണ്ട് സൈറ ഒന്ന് ആലോചിച്ചു പറഞ്ഞു : റൊണാൾഡോ…… ഹരിക്കോ?…
ഹരി : എനിക്ക് റൊണാൾടീഞ്ഞോ….
സൈറ : അതാരാ?….
ഹരി ചിരി അടക്കി പിടിച്ചു ചോദിച്ചു : സത്യം പറയണം… മാമിന് റൊണാൾഡോ… മെസ്സി… ഇവരെ രണ്ടു പേരെ അല്ലെ അറിയൂ?…
സൈറ : ഹരിക്ക് എങ്ങിനെ മനസ്സിലായി….
ആക്കിയ ചിരിയായിരുന്നു അവന്റെ ആയിരുന്നു മറുപടി……
സൈറ തന്നേ കൂർപ്പിച്ചു നോക്കുന്നത് കണ്ടപ്പോൾ ഹരി പെട്ടെന്ന് ചിരി നിർത്തി……
ഹരി : മാം ഏതാണ് എന്ന് വച്ചോളു… ഇത് ഞാൻ കണ്ട കളിയാണ്…
സൈറ : അത് ശരി…. കണ്ട കളി വീണ്ടും കാണുകയാണ് അല്ലെ… വെറുതെ അല്ല രേവതി തന്നേ ഫുട്ബോൾ പ്രാന്തൻ എന്ന് വിളിക്കുന്നത്…