മീനു മോളെ അമ്മ പറഞ്ഞതു കേൾക്കില്ല അല്ലേ.
അയ്യോ അമ്മേ അങ്കിളിനു ഒരു ബുദ്ധിമുട്ടും ഉണ്ടാക്കിയിട്ടില്ല സത്യം.
വേണേൽ അങ്കിളിനോട് തന്നെ ചോദിച്ചു നോക്ക്.
എന്ന് പറഞ്ഞോണ്ട് മീനു ശ്രീയുടെ കയ്യിൽ ഫോൺ കൊടുത്തു.
ശ്രീ അവൾ സോറി കെട്ടോ.
എന്താ ചേച്ചി ഇങ്ങിനെ.
അവൾക്കു ഇഷ്ടപ്പെട്ടത് കൊണ്ടല്ലേ.
ഹ്മ്മ് എപ്പോഴാ തിരിച്ചു വരിക.
എന്തെ ചേച്ചി വീട്ടിലെത്തിയോ.
ഹ്മ്മ്.
അയ്യോ അപ്പൊ ചേച്ചി പുറത്തു നില്കുകയാണോ പാവം
ഞങ്ങളിപ്പോ വരാം.
ധൃതി വെക്കേണ്ട ഏതായാലും പോയതല്ലേ വണ്ടിയിൽ സ്പെയർ കീ ഉണ്ട് ഞാൻ തുറന്നോളം
ഹ്മ്മ് എന്നാ പിന്നെ ഞങ്ങൾക്ക് കുറച്ചൂടെ പ്രോഗ്രാം ഉണ്ട് അല്ലേ മീനു.
ആ ഉണ്ട് ഉണ്ട് അതിലൊന്നിലും കയറിയില്ലല്ലോ അങ്കിളെ എന്ന് മീനു പറയുന്നത് നിർമലയുടെ ഫോണിലൂടെ അവളുടെ കാതിലേക്കു വീഴുന്നുണ്ട്.
ഈ പെണ്ണ് അവനെ എന്ന് മനസ്സിൽ പറഞ്ഞോണ്ട് നിർമല ഫോൺ ഓഫാക്കി വണ്ടിയിൽ നിന്നും കീ എടുത്തു വീടിനു അകത്തേക്ക് കയറി..
ആഹാ ഇതെന്താ വീടാണോ അതോ വല്ല കുപ്പ തൊട്ടിയോ എന്ന് പറഞ്ഞോണ്ട് അവൾ ഓരോന്നും എടുത്തു വെക്കാൻ തുടങ്ങി.
രണ്ടുമിങ്ങോട്ട് തന്നെ അല്ലേ വരുന്നേ കാണിച്ചു തരാം ഞാൻ
കണ്ടില്ലേ വീടിന്റെ ഒരു കോലം.
വന്നു കയറിയ പാടെ നിർമല അതെല്ലാം ഒതുക്കി വെച്ചു.
അവളുടെ റൂമിലേക്ക് കയറിയപ്പോൾ അവിടെയാകെ മീനുവിന്റെ കളിപ്പാട്ടങ്ങൾ ബെഡ്ഡിലും താഴെയുമായെല്ലാം കിടക്കുന്നു..
ഹ്മ്മ് വരട്ടെ രണ്ടും രാവിലെ പോകുമ്പോ വീട് പൊളിച്ചടുക്കും എന്ന് പറഞ്ഞപ്പോ ഇതുപോലെ ആയിരിക്കും എന്ന് കരുതിയില്ല എന്നൊക്കെ പറഞ്ഞോണ്ട് നിർമല അവിടെയും വൃത്തിയാക്കി കൊണ്ടിരുന്നു.