Posted by സുഹാന അവനടിയിലായിരുന്നു……
അവളുടെ കൈകൾ വിരിച്ചു പിടിച്ച്, സല്ലു കിതച്ചു കൊണ്ട് അവളുടെ മുഖത്തേക്ക് നിറമിഴികളോടെ നോക്കി……
“ ന്നെ കൊന്നാ മതീ മ്മാ……….””
“”ഇയ്യെന്നെ അങ്ങനെ വിളിച്ചേക്കരുത്……””
അവൾ അവനടിയിൽ കിടന്ന് ചീറി…
അവന്റെ ശക്തിയെ ഭേദിക്കുക അവൾക്ക് സാദ്ധ്യമല്ലായിരുന്നു…….
അവൻ ഇരു കൈകളും കൂട്ടി പിടിച്ച് നൈഫ് പിടിച്ചെടുത്തു…….
“”ന്നാ ഞാൻ ചാകാം…… “
സല്ലു പിടിച്ചെടുത്ത നൈഫ് വലം കൈയ്യിലേക്ക് മാറ്റി..
ഇടതു കൈ കൊണ്ട് അവളുടെ ഇരു കരങ്ങളും കൂട്ടിപ്പിടിച്ചു..
ഇടതു കൈയ്യിലേക്ക് അവൻ വലതു കൈയ്യിലെ നൈഫിനാൽ വരയാൻ ശ്രമിച്ചതും അവൾ അവന്റെ നെഞ്ചിൽ ഒരു കടി കൊടുത്തു…
സല്ലു വേദനയാൽ പുളഞ്ഞു..
“”ന്നെ ക്കൊല്ലടാ നീ…”
അവൾ അവന്റെ പിടിയിൽ നിന്ന് രക്ഷപ്പെടാൻ കുതറിക്കൊണ്ടിരുന്നു..
“” അതെഴുതിയത് ഞാനല്ലേ…… ഞാം ചാകാം… “
സല്ലു കരച്ചിലിനിടയിലൂടെ പറഞ്ഞു……
“ ചെറ്റത്തരം എഴുതീട്ട് മോങ്ങുന്നോ… ?”
അവൾ മറ്റു മാർഗ്ഗങ്ങളില്ലാത്തതിനാൽ അവന്റെ ചുമലിൽ ഒന്നു കടിച്ചു……
പല്ലുകളാഴ്ന്ന് അവൻ നിലവിളിച്ചെങ്കിലും പിടി അയച്ചില്ല …
“” അതി ചെറ്റത്തരോന്നൂല്ലാ…”
“”പിന്നെ ഹദീസല്ലേ… ….
“” ന്റെ വിഷമം…, ന്റെ മനസ്സ്, അതാണുമ്മാ ഞാൻ എഴുതി വിട്ടേ… …..”
സങ്കടത്തിന്റെ അലയാൽ അവനൊന്നേങ്ങി…
“”ങ്ങള് ഞാൻ പറയണത് കേക്ക്… “”
“” നീ ഒന്നും പറയണ്ട… ന്റെ നസീബിന് ഞാനത് കണ്ടു… “
അവൾ കുതറിക്കൊണ്ടിരുന്നു……
“”ങ്ങള് ഞാൻ പറേണത് ഒന്ന് കേക്ക്.. ന്നിട്ട് ന്നെ കൊന്നോ…””
അവൻ നിലവിളിക്കിടയിൽ പറഞ്ഞു……
“” അന്നെ ഞാനെന്തിനാ കൊല്ലണേ… ഇയ്യമ്മാതിരി വൃത്തികെട്ടത് എഴുതിക്കോ… ചാവേണ്ടത് ഞാനാ……”…”
അവളും വിട്ടു കൊടുത്തില്ല…
“” ഇതിങ്ങള് കേട്ടില്ലേൽ പിന്നെ ഒരിക്കലും……. “
സല്ലു പൂർത്തിയാക്കാതെ നിർത്തി…
സുഹാന ഒരു നിമിഷം അവന്റെ പിടിയിൽ നിശ്ചലയായി..
അവൾക്ക് ഒരപകടത്തിന്റെ ചൂരടിച്ചു…
അവളുടെ പ്രതിഷേധം പതിയെ അയഞ്ഞതും സല്ലു , കണ്ണുനീരോടെ സംസാരിച്ചു തുടങ്ങി…
“ കഴിഞ്ഞ രണ്ടൂന്ന് മാസായിട്ട് ന്നോടാരാ ഒന്ന് നല്ലോണം മിണ്ടിയേ… ആരാ ഞാൻ പറയാൻ വന്നത് കേട്ടേ… ….?””