Posted by
ഫോട്ടോയിലും റീലിലും കണ്ട് പരിചയമുള്ള ഞാൻ മനസ്സുകൊണ്ട് വെറുക്കുന്ന രണ്ടുപേർ…
ഗൗരി എന്നെ നോക്കി ചിരിച്ചു.
“ഹരി… നീ എന്താ ഇങ്ങനെ ആലോചിച്ചിരിക്കുന്നത്? വാ… അവരെയും പരിചയപ്പെടാം.”
ഞാൻ അവരോടൊപ്പം നടന്നു. സിദ്ധാർത്ഥും സൽമാനും എന്നെ നോക്കി ചിരിച്ചു.
റീലുകളിലും ഫോട്ടോകളിലും കണ്ട് ഞാൻ മനസ്സുകൊണ്ട് വെറുത്തു തുടങ്ങിയ ആ രണ്ട് രൂപങ്ങൾ നേരിട്ട് മുന്നിൽ വന്നപ്പോൾ ഉള്ളിലൊരു ആളിപ്പടരൽ അനുഭവപ്പെട്ടു.
അവരെ കണ്ടതും അച്ചുവിന്റെ മുഖം വിടർന്നു. അവൾ പെട്ടെന്ന് തന്നെ നടന്ന് ചെന്ന് സിദ്ധാർത്ഥിനെ കെട്ടിപ്പിടിച്ചു. എന്റെ നെഞ്ചിലൊരു കല്ല് വന്നു വീണതുപോലെ തോന്നി. സിദ്ധാർത്ഥ് വളരെ ലാഘവത്തോടെ അവളുടെ ഇടുപ്പിൽ കൈ ചേർത്ത് പിടിച്ചുകൊണ്ട് അവൾക്കൊപ്പം ചേർന്നുനിന്നു.
ആ നിൽപ്പ് കണ്ടാൽ അവർ തമ്മിൽ എത്രത്തോളം അടുപ്പമുണ്ടെന്ന് ആർക്കും മനസ്സിലാകും.
അതേ നിൽപ്പ് തുടർന്നുകൊണ്ട് അച്ചു ആദ്യം സൽമാനെ എനിക്ക് പരിചയപ്പെടുത്തി.
“ഹരി, ഇതാണ് സൽമാൻ.”
ഒരു വെള്ള സ്പോർട്സ് ബനിയനും കറുത്ത ട്രാക്ക് പാന്റും ഷൂസുമാണ് സൽമാന്റെ വേഷം. അത്യാവശ്യം കറുത്ത നിറമാണെങ്കിലും നല്ല ഒതുങ്ങിയ സ്പോർട്സ്മാൻ ശരീരം. അവൻ ചിരിച്ചുകൊണ്ട് എനിക്ക് നേരെ കൈ നീട്ടി.
“ഹലോ ഹരി, അച്ചു നിങ്ങളെക്കുറിച്ച് കുറെ പറയാറുണ്ട്. നേരിട്ട് കണ്ടതിൽ സന്തോഷം.” ഞാൻ നിർവികാരമായി അവന് കൈ കൊടുത്തു.