Posted by അടുക്കളയിൽ നിന്ന് നല്ല മണം വരുന്നുണ്ടായിരുന്നു. വെന്ത കോഴിയുടെ കൊതിപ്പിക്കുന്ന മണം. ഇത്ര നേരം അമ്മച്ചിയും ഏട്ടത്തിയും കൂടെ അടുക്കളയിൽ അതായിരുന്നു പണി എന്ന് തോന്നുന്നു.തുറന്നു വെച്ച ലിവിങ് റൂമിലെ ജനൽ പെട്ടന്നാണ് ശക്തിയിൽ അടഞ്ഞത് . പുറത്ത് കൊടും കാറ്റിന്റെ ശബ്ദം., ഇരുണ്ട റൂം കുറച്ചുകൂടെ കറുത്തു. നല്ല മഴ വരാൻ പോവാണ്. കാറ്റിന്റെ ശക്തി കുറഞ്ഞപ്പോ. ദൂരെ നിന്ന് മഴയുടെ മുഴക്കം വിഴുങ്ങാൻ വരുന്ന കടലിന്റെ അലർച്ച പോലെ കേട്ടു. പെട്ടന്നൊരു മിന്നൽ. തീരെ താമസമില്ലാതെ കാതടപ്പിക്കുന്ന ഒരു ഇടിയും. അടുക്കളയിൽ കത്തി നിന്ന ബൾബ് ഇടിയോടൊപ്പോം ഓഫായായി. കറൻറ് പോയതാണ്.
“അയ്യോ..കറന്റ് പോയല്ലോ..അന്നേ…ആ എമർജൻസി എടുത്തേ…കഴിക്കാൻ ആയപ്പോ കണ്ടോ കറന്റ്റും പോയി. “ അമ്മച്ചിയുടെ കൈകൾ ഇതെല്ലാം പറയുമ്പോഴും എന്റെ തോളിൽ നിന്ന് വീട്ടിട്ടില്ലായിരുന്നു. അന്ന എമർജൻസി എടുക്കാൻ പോയപ്പോ,ഏട്ടത്തി അടുക്കളയിലേക്ക് കേറുന്ന കണ്ടു.
ഏട്ടത്തിയുടെ അച്ഛൻ ഉറങ്ങുന്ന വാവയെയും കൊണ്ട് മറ്റൊരു മുറിയിലേക്ക് കേറി. ലിവിങ് റൂമിന്റെ വാതിൽ കൂടെ നോക്കിയാ പുറത്തെ വാതിൽ തുറന്നു കിടക്കുന്നത് കാണാം. ഇരുണ്ടു മൂടിയ മുറ്റത്ത് കാറ്റിൽ ആടിയുലയുന്ന ചെടികൾ. മുറ്റം നിറയെ പറന്നു വന്ന ഇലകളാണ്. നേരത്തെ ചാറിയ മഴയുടെ നനവ് മുറ്റത് ഇപ്പോഴുംമുണ്ട്. ആർത്തലച്ചു വന്ന മഴ വീടിനെ മൂടിയങ്ങു പോയി. തുറന്ന വാതിൽ കൂടെ വീശിയടിച്ച കാറ്റ് മഴ ചാറ്റൽ കൂടെ കൊണ്ടു ഞങ്ങളുടെ മുഖത്തേക്കടിച്ചു . കുളിരു കേറി പോയി.